Wakiwachokoza wapigeni bila huruma. Polisi na magereza ni vyetu,
msiogope" Laerence Masha & Hussein Bashe, 24/11/017. Asanteni kwa
maagizo yenu ambayo yametekelezwa vizuri na wanachama wenu, lakini
msisahau kuwa kuna maisha baada ya uchaguzi. Laiti mngejua kuwa utaifa
wetu ni muhimu kuliko vyama vyetu, msingeropoka mliyoropoka. Damu hizi
zikanene juu yenu, kama inenavyo damu ya Habili.!
1. Mawakala wote wa Chadema kata ya Mamba katika vituo 13
wameondolewa kwa amri ya polisi. Uchaguzi unaendelea kwenye kata hiyo
bila kuwepo kwa mawakala.
2. Vijana wa CCM wenye gari nambari T
733 AHH, Toyota Prado, rangi ya blue wakiwa na mapanga, mawe, nondo na
visu wamekamatwa wakiwa wanazunguka kata ya Muriet. Hata hivyo
walifanikiwa kutokoroka kabla hawajachukuliwa hatua.
3. Mkuu wa wilaya ya Arusha, akiwa kwenye gari yenye namba T 348 AFE,
Toyota Labdcruizer, amefukuzwa na wananchi kata ya Muriet alipojaribu
kuvikabili vikosi vya ulinzi vya Chadema.
4. Meya wa Ubungo ambaye ni Wakala Mkuu kata ya Saranga, Boniface Jacob amekamatwa na Polisi mchana huu.
5. Mgombea udiwani kata ya Bomambuzi Moshi kwa tiketi ya CCM Juma
Rahibu amenusurika kupokea kipigo kutoka kwa wananchi, kabla ya
kuokolewa na polisi. Mgombea huyo akiwa na vijana wenzie wa CCM
walimvamia diwani wa Mfumuni Bw.Tonny Ndewawio (Chadema) na kumjeruhi
kwa mapanga siku chache zilizopita.
6. Matukio ya utekaji nyara,
utesaji na mashambulizi ya kutumia silaha yameendelea kushamiri katika
kata mbalimbali nchini zinazofanya uchaguzi wa Marudio. Kata ya Muriet
mgombea Udiwani wa CCM Samson Laizer akiwa na vijana wa CCM wamejeruhi
mawakala wa Chadema kwa mapanga, bisibisi, nondo na marungu. Majeruhi
kadhaa wamekimbizwa ICU Mt.Meru Hospital.
7. Katibu Mkuu wa
Bawacha, Grace Tendega amekamatwa na jeshi la Polisi katika kata ya
Kimala, mkoani Iringa, kwa madai ya kufanya siasa kwenye kata isiyo
yake.
8. Kada wa Chadema kata ya Mamba (pichani chini) amevamiwa
na viongozi wa CCM na kuvunjwa mkono, kupigwa nondo sehemu za mbavu, na
kuchomwa na bisibisi kichwani.
9. Waziri wa zamani wa mambo ya
ndani Lawrence Masha na Mbunge wa Nzega Hussein Bashe wamewataka
wanachama wa CCM kuwapiga bila huruma wanachama wa Chadema
watakaowachokoza. Katika kuweka msisitizo wa kauli hiyo, wamewataka
wanachama wa CCM wasiogope kwa kuwa jeshi la polisi na jeshi la magereza
vipo chini yao.
10. Mwenyekiti wa Chadema taifa Mhe.Freeman
Mbowe ametangaza chama chake kujitoa kwenye uchaguzi wa kata 5 za
Arumeru kufuatia vitendo vya ukiukwaji wa taratibu za uchaguzi, na
mawakala wa Chadema kuvamiwana na kujeruhiwa na makada wa CCM. Mbowe
ametoa wito kwa wanachama kujilinda.
Maoni kutoka kwa Mwanaharakati wa chadema Malissa G
Maoni
Chapisha Maoni